بحب بلدي...بقلم الشاعر المستشار محمد صادق ندا
بحب بلدي
.............
بحب بلدي
أه بحبها
وإيه يضايق فلان
و فلان
بلدي ودايب أنا
ف حبها
وليه البعيد
زعلان
أنا كده
معجون بطينة
عشقها
وجوة شقوق
أرضها
متشربة
روحي
واللي ح يزعل
من كده
يطق أو يتفلق
ما يزيدش ف
جروحي
وان مرة شحت
لقمتي
أو سعرها
زاد
أرحم من أساوة
غربتي
جوة سنين
البعاد
وان يوم حكمها
صبي
وشوفنا معاه
أهوال
نشيل معاه الحمل
ونعدله لو
مال
ولا يحكمنا ف يوم
أجنبي
وان فاض علينا
بمال
دي الشمس لما
بتبتدي
تطلع علي
سطوحها
تلمع كل الحيطان
وتنور
مطارحها
وتضحك عيدان الدرة
والبط
والزغاليل
وتلوم عليا إزاي
لما اعشق
هواها
وأميل
هو البعيد
مشايفش نهر
النيل
ودبة أمل ونهار
من بعد رعب
وليل
ولا البعيد كان
عمي
مشايفش أي
جديد
دا الدم فيه لو
حمي
كان يرفض
التهديد
ويشوف صحيح
إزاي!!.....
وهو لسه
بعيد
وعجبي
..............
بقلم /محمد صادق ندا
مصر
تعليقات
إرسال تعليق