غربة جوة بلدي...بقلم الشاعر محمد صادق ندا

غربة جوة بلدي
.............
لفيت حواري بلدي
لجل أدور ع
الحبايب
لجل افتش ع
الجيران
حسيت بغربة ف
المكان
اللي غايب واللي
شايب
والبيوت من غير
حيطان
واللي شايف إني تايه
واللي يهرب م
السؤال
واللي يرمي ف وشي
نظرة
ويجري يحكي
للرجال
وقلبي يرمي ألف
حسرة
ع اللي حاصل ف
الغيطان
الشقوق ف الارض تايهة
دايرة تنحت من
زمان
 ولا ترعة نازلة تفحت
ف الأرار
عايزة مايه تلقي
 نار
وقله بتحكي للساقية
موال عطشان

آل وتقابلني
موجة تايهه
جوة بحر م
الخيال
شايله زلعة فيها مايه
تقول زلال
رحت فارد طول
دراعي
ورسيت ع الشط 
بشراعي
ثانية واحدة والأراضي
جاية تجري
والشقوق حطت ف
حجري
عايزة تشرب من
زمان
والبيوت واقفة تبني
ف الحيطان
واللي كان فاكرني تايه
قالي ياإبني
هات كمان
و الحبايب واقفة تضحك
والجيران
بيقولولي كنت فين
يا ابن بلدي
من زمان
قولت غربة جوه
بلدي
وموجة طافت
باللقا
.........
بقلم /محمد صادق ندا
مصر