آخر كلام ...بقلم الشاعر تامر أبو هيبة

قصيده بعنوان (((اخر كلام)))بقلمى تامرابوهيبه

من غير سلام اخر كلام

انت اللى بايع مش انا

انت ابتديت واوام نسيت

منك ياقاسى لربنا

عيشتنى ف وهم وسراب

طلعتنى فوق فى السحاب

ورجعت تانى ف كلمتك

مش انا علشان هواك

تضيع حياتى

مش انا ماخلاص

بقيت من ذكرياتى

مش انا

انت اللى بادى بالخصام

وكمان مابترد السلام

علشان تضيع حلمنا

انا كنت فعلا روحى فيك

اخلصت لك علشان شاريك

وبدون سبب بتبيعنى انا

مش انا علشان هواك

تضيع حياتى

مش انا ماخلاص

بقيت من ذكرياتى

مش انا

انت اللى ضيعت الغرام

ونهيت على كل الكلام

وقسيت اكيد على حبنا

سلمت لك قلبى بايديك

وحلفت لك طول عمره ليك

وف لحظه واحده بعتنا

مش انا علشان هواك

تضيع حياتى

مش انا ماخلاص

بقيت من ذكرياتى

مش انا

من غير سلام اخر كلام

انت اللى بايع مش انا

انت ابتديت واوام نسيت

منك ياقاسى لربنا

شعر \\\\تامرابوهيبه