مصر يانور العين...بقلم الشاعر سامي الماحي

مصر يا نور العين
 ليكي ف القلب حنين
ساكنه جوه اللتنين
بنحبك يا مصر
غاليه بجد علينا
فقلوبنا وف عنينا
نبنيكي وتبنينا
بنحبك يا مصر
يا حته من السما
نزلت علي الأرض
بتحبك قلوبنا
علشان حبك فرض
عيشين ومأدينها
عيشين بالطول والعرض
وده كله عشان بنحبك
بنحبك يا مصر
يا قمر الزمان يا مزهره
ف نهار وليل منوره
حتي وأنتي متغيره
بنموت فيكي يا مصر
بنحبك يا مصر
يا بلد يوسف يا بلد الخير
يا سعد لينا وللغير
ملناش غير حبك سبيل
بنموت فيكي يا مصر 
بنحبك يا مصر
يا بلد الكنانه والأنبياء
وكل رجالك اوفياء
يحكم ربي كيف شاء
هنحب في كل الأجواء
هنحبك يا مصر
ونموت فيكي يا مصر
حبيبت قلبنا وأعز مننا
من أبونا وأمنا مهو حبك
حاضر وبنقوله حاضر 
وبيجرى في دمنا
كلنا آه كلنا
بنحبك يا مصر
فتشى فقلوبنا وف البال
حبك فينا له ألف مجال
أد حبات الرمال
بنموت فيكي يا مصر
بنحبك يا مصر
كلماتي
( سامي الماحي)