ليه بس...بقلم الشاعر طاهر مختار

ليه بس بعض الناس مضايقه لما نكتب كلمة حق ونرضي آللي خلقنا 

بقصيده جميله تفدنا بعد وفاتنا  يمكن تكون دافع لهدايتنا ورسم الفرحه ف قلوبنا 

ليه الحقيقه بتوجعنا ولما نقراها نخرج عن شعورنا ومش عايزين شاعر ينصحنا 

او يذكرنا بحقيقة عيوبنا وظلمنا لنفسنا وغيرنا دا ربنا مطلع ع أعمالنا وع كل كلمه بنقدمها لجمهورنا 

لو كتبنا النصيحه الكل يجادلنا وعايز يحلل الحرام مع الرغم ان ف شريعه بتحكمنا 

لكن تعمل إيه ف بشر خايبه صاحبة متعه ولذه والحب والغرام شاغل تفكرنا 

لو قولنا حرام ماحدش بيسمعنا ولا مقدر القصيده آللي هاتنفعنا 

وتعالج عيوبنا ومشاكلنا الكل عايش ف بحور الغرام وأصبح الدين شئ سيئ ف نظرنا 

هانقول ايه لرب العباد لما يجي ف يوم ويجمعنا الحب والغرام داخل البيوت مش قصيده تلفت نظرنا 

وتكون دافع لإنحرافنا وتربي الغريزه والمتع الجنسيه ونخالف الدين آللي ربنا عليه هايسألنا 

ياشعراء العرب وأصحاب الكلمه إتقوا الله دا ربنا مطلع ع أعمالنا 

الحب والغرام مش هاينفعنا ولا هايكون دافع لدخولنا الجنه واحنا آللي بنختار سكتنا 

يبقى نهدى ونراجع حسابتنا ونشوف الصح والشئ آللي ينفعنا عشان ربنا يكون راضي عنا 

لازم نكون مثل أعلى وفخر لولادنا ف توصيل المضمون والمعني آللي يكون دافع لهدايتنا 

انا عارف ان ف حريم بارده ومش عارفه معنى الأمانه آللي ربنا عليها هايسألنا. 

يارب توب علينا وسامحنا وإهدينا ونور عقولنا وإجعل الايمان كل حياتنا نعبر عنه ف أشعارنا 

ونكون سبب هدايه ورحمه لغيرنا وإجعل الجنه من حظنا ونصبنا 

شاعر العصر صاحب كلمه لها مضمون ومعنى يفيدنا و ينفعنا بقصيده جميله تنال إعجابنا 

وتحسن دايما من أخلاقنا وتذكرنا باللي خلقنا وداوي همومنا و أوجاعنا وترسم الفرحه ف قلوبنا..  

الشاعر طاهر مختار عتيت

شاعر العصر..... تحيا مصر 

طنطا.... كفر الزيات.. اكوه الحصه

الحمدالله ع نعمة الإبداع