نفسي أرجع تاني عيل...بقلم الشاعرة حنان صقر

نفسى أرجع تانى عيل
أجرى وألعب فى الغيطان
أشم ريحة الندى بدرى
وأهرب من النحل الغضبان
تلسعنى شمس العصارى
وتذيدنى سمار   ولمعان
أهرب من أمى وأجرى
أستخبى ورا    الحيطان
تنادينى إرجع يابنى
بطل جرى وسط الغيطان
تعالى كلك لقمه ولا
نام تلاقيك تعبان......
ياريتنى ياأمى فضلت 
أجرى بدال منا دلوقتى بنام
خلصت منى الضحكه ياأمى
ضاعت منى بهجة زمان
معرفش يأمى كبرت بدرى
ولا الزمن جرى رهوان
بقى عندى بيت وعيله
بجرى ألاحق للعيال
عرفت قيمتك وقيمة أبويا
عرفت وشفت الحرمان
حرمانى منكم ومن حنانكم
فى دنيا توهه وطوفان
طوفان الباطل يغلب تملى
والحق تعب وإدارى ونام
الدنيا إتغيرت ياأمى
مبقتش حلوه زى زمان
يمكن عشان كبرت زيك
والموت خطفكم كمان
ولا الأخلاق ضاعت من بدرى
وكمان الدين أصبح نسيان
كل الى عارفه إن دلوقتى
أصعب وأوحش من زمان
#Hبقلمى:حنان صقر